tum jab aaogii to khoyaa hu?aa paaogii mujhe,,, merii duniyaa meN KhvaaboN ke sivaa kuch bhii nahiiN,,, mere kamre ko sajaane kii tamannaa hai tumheN,,, mere kamre meN kitaaboN ke sivaa kuch bhii nahiiN,,, in kitaaboN ne bahut zulm kiyaa hai mujh par,,, in meN ek ramz hai jis ramz ka maara hu?aa zehn,,, muzhdah-e-ishrat-e-anjaam nahiiN paa saktaa,,, zindagii meN kabhii aaraam nahiiN paa sakta !

Suna Ha Is Mohbbat Mai Bht Nuqsan Hota Ha Mehkta Jhoomta Jeevan,Ghamon K Naam Hota Ha Suna Ha Chain Kho Kr Wo …Seher Sa Sham Rota Ha Mohbbat Jo Bh Krta Ha Bht Badnam Hota Ha Suna Ha Is Mohbbat Mai Kahin Bh Dil Nh Lgta Bina UsK Nigahon Mai Koi Mosam Nh Jachta Khafa Jis Sa mohbbat Ho Wo Jeevan Bhar nh Hansta Bht Anmol Ha Wo Dil,Ujar Kr Phr nh Basta Suna ha Is Mohbbat mai Bht Nuqsan hota ha.

Jab men rooth jaaun to Phool le k aae Ulti seedhi batein kr k Mjhe Hansaye Me jis k lye pura Sajaaun khud ko Or jab wo dekhe to bas dekhti jaye Palken num hojaen agr Meri Wo Pyar ki Barish Mujh pe Barsaye Jo neend roth jae Ankho se meri Koi to ho Jo band Palkon ko Choom kr Baahon mei le k pyar se Sulaye ‘KASH’ Koi to hoJis pe Me Haq se Haq jataoun Jo sirf Meri or Bas Meri hi reh Jaye!

chalo phir dhoond laayn ham usi masoom bachpan ko usi masoom khushiyon ko usi rangeen lamhon ko jahan gham ka pata na tha …jahan dukh ki samjh na thi jahan bas muskuraahat thi baharen hi baharen then k jab saawan barsta tha to us kagaz ki kashti ko banana or dabo dena buhat acha sa lagta tha or is duniya ka har cehra buhat sacha sa lagta tha CHALO PHIR DHOOND LAAEN HAM USI MASOOM BACHPAN KO

Kash bachapn se nafrat sikhayi hoti, Us se dekh kar nazreen churaayi hoti, Na phoolon me khoshbu samayi hoti, Us se milte to bus larai hooti, Wo hoti ek zalim ustani jaisi, Us ke samne sirf parhayi hoti, Hoti rah-e-mohobat bus tanha, Kanton se har shay sajayi hoti, Be’rukhi be muravat adaao se, Kuch milte yun ke ruswayi hoti, Guzar yun jate kareeb se Aamir, Ke ghairon ke jaisi judayi hoti..

Aankhon Se Mere IsLye Laali Nahi Jaati, Yaadon Se Koi Raat Jo Khaali Nahi Jaati, Maange Agr Jaan B Tu Hans k Tuje DeDen, Teri Tu Koi Baat B Taali Nhi Jaati, A? Koi AaKr Ye Tera Dard Sambhaale, HumSe Tu Ye Jhaageer Sambhaali Nahi Jaati, HumRaah Tere Jo Phol Khilaati Thi mere Dil Me, Ab Shaam Wohi Dard Se Khaali Nahi Jaati, Htm Jaan Se Jaayen Ge Tbi Baat Banygi, TujSe Tu Koi Raah Nikaali Nhi Jaati,

Ankhon ki tarha raaz hai khulta b nahi wo Selaab b ban jata hai dariya b nahi wo Is baar zameen aankh ki banjar hi rahay gi Is baar to sawan ka sandesa b nahi wo Us shakhs k pehloo me sakoon kitna hai jab k Girja nahi mander b nahi wo Main yaad rahun usko itna b nahi hai Khud yaad na aeye mujhe aisa b nahi wo Us shakhs ki fitrat b Faraz Meri trha hai Jalta hua sehra b hai pyasa b nahi wo…!!!

Apni Khamosh Zindagi Main Bolana Mujh Ko Apnay Haseen Khowab Ki Tasveer Banana Mujh Ko Main Jo Pucho Tumhara Haal -e- DIL Tu Apni Har Dharkan Ki Aawaz Sunana Mujh Ko Main Jo Kabhi Routh Jao Tum Say Ager Tu Bohat Pyaar Say Manana Mujh Ko Jo Kabhi Ho DIL Main Hasrat Tumhari Koii Bila Jhijhak Apni Har Hasrat Batana Mujh Ko Jo Ho Jao ZINDAGI Main Tanha Kesi Pal Apni Pyaar Bhari Aawaz Say Bulana Mujh Ko

Zindagi men do lahza koi mere pass na betha, Aaj sab mere pas bethe ja rahe the. Koi Tohfa na mila aaj tak mujhe, Aur aaj phool hee phool diye ja rahe the. Taras gaya mn kisi k hath se Diye ek kapde ko, Aur aaj nae nae kapde Orhaae ja rahe the. Do Qadam sath na chalne wale, Aaj Qafla bana kar chale ja rahe the… Aaj pata chala k Mout itni haseen hoti he, Aur hum to yunhi Jiye Ja rahe the…

Mohabat ka Bharam Hota, to Phir kuch Soch kar Jaty, Wagarna Zindagi Ban k Mery Hamdam Guzar Jaty, Thaky Hary Prindon Ko Jo Dekha to Khayal Aaya, Koi Jo muntazir hota tu hum bhi apny ghar jaty, Main kha kar dard ki thokar abhi tak hosla mand hon, ye thokar jo tumhain lagti,tu tum khud bhi bikhar jaty, Is TANHAi ka hum pe bara Ahsan hai “ROGI” Na daiti sath ye apna tu jany hum kidhar jaty.

Baad muddat use dekhaa, logo vo zaraa bhii nahiiN badlaa, logo Khush na thaa mujhse biChhaD kar vo bhii uske chehre pe likhaa thaa logo uskii aaNkheN bhii kahe detii thiiN raat bhar vo bhii na soyaa, logo ajnabii ban ke jo guzraa hai a bhii thaa kisii vaqt meN apnaa, logo dost to Khair, koii kis kaa hai usne dushman bhii na samjhaa, logo raat vo dard mere dil meN uThaa subah tak chain na aayaa, logo

Insan me hewan yahan bhi hai wahan bhi hai, ALLAh nigehban yahan bhi hai wahan bhi hai, Khoon khwar darindon kay faqt naam alag hain, Har shehar byaban yahan bhi hai wahan bhi hai, Na’aron ka sukon wa’adon kay ghar khawbon ki khushiyan, Bazar me saman yahan bhi hai wahan bhi hai, Uth’ta hai dil-o-jan sey dhuwan dono taraf hi, Ye meer ka dewan yahan bhi hai wahan bhi hai. Nida fazli

Mujh say uljhtay raho meray jazbat ki tarha, Her aik talaq toor doo meray halat ki tarha, Ho kar khafa mujh say kaheen tum door na jaoo gay, Wabasta hoo tum sansoon say meri zaat ki tarha, Sochoon main meri shamil aur tahreroon main ho basi, Hontoon pay meray rahtay hoo kisi baat ki tarha, Bholay say main kabhi teri galiyoon main aa basoon, Hussan ka sadka utar doo kheyraat ki tarha.. Shabeeb Hashmi

Akele reh ke yeh jeevan guzaarna hoga, Jo khud geya hai usey kya pukaarna hoga, Main apne ehed pe qayem hon aj bhi jaana, Ke waqt jese bhi guzre, guzaarna hoga, Ajeeb log hain kehte hain ab khushi ke liye, Tumhari yaad ko dil se utaarna hoga, Hamare bakht likha tha is tarah shayed, Nagar nagar main kisi ko pukaarna hoga, Woh mil to jaye ga Arshad Malik aese, Talab mein us ki zamaney ko haarna hoga..

Meri ankhon mein naye khawb sajaney aye Phir se jugno mere kamrey ko jaganey aye Ik muddat se yehi khawish mere dil mein hai Teri khushboo meri sanson mein samaney aye Tu kisi roz mere naam ka aanchal oorhey Tu kisi roz mera sath nibhaney aye Aao taameer karain pyar ka ik taj mahal Iss se pehle ke hijar humain rulaney aye Beth jata hoon mein har roz sar-e-rahguzar Jane kis lamhey koi mujh ko mananey aye