Ai Kaash Tujhe Aisa Ai Kaash Tujhe Aisa Ik Zakhm-e-Judaai Dun; Jab Tees Koi Chamke Main Tujhko Dikhayi Dun; Jis Roz Kabhi Tera Deedaar Na Ho Paaye; Main Apni Hee Aankhon Ko Naabeena Dikhayi Dun; Magroor Hai Tu Kitna Sirf Ik Sanam Ban Kar; Tu Chahe To Main Tujhko Tan Man Kee Khudai Dun; Tujh Sa Koi Dil Wala Mehsoos Kare Mujhko; Main Geet Nahi Aisa Jo Sab Ko Sunayi Dun; Ik Umar Ke Baad Apne Chit Chor Ko Pakda Hai; Main Kaise Qateel Usko Baahon Se Rihayi Dun
Like (0) Dislike (0)
Your Comment