Ye Dil Mein Vasvasa Kya Pal Raha Hai; Tera Milna Bhi Mujh Ko Khal Raha Hai; Jise Maine Kiya Tha Be-Khudi Mein; Jabeen Par Ab Vo Sajda Jal Raha Hai; Mujhe Mat Do Mubarak-Baad-e-Hasti; Kisi Ka Hai Ye Saya Chal Raha Hai; Sar-e-Sahara Sada Dil Ke Shajar Se; Barasta Door Ik Badal Raha Hai; Fasad-e-Lagzish-e-Takhleeq-e-Aadam; Abhi Tak Haath Yazdaan Mal Raha Hai; Dilon Kee Aag Kya Kafi Nahi Hai; Jahanum Be-Zaroorat Jal Raha Hai

Your Comment Comment Head Icon

Login