Agar Talaash Karu Agar Talaash Karun Koii Mil Hii Jaayegaa; Magar Tumhaarii Tarah Kaun Mujhe Chaahegaa; Tumhen Zaruur Koii Chaahaton Se Dekhegaa; Magar Vo Aankhen Hamaarii Kahaan Se Laayegaa; Naa Jaane Kab Tere Dil Par Naii Sii Dastak Ho; Makaan Khaalii Huaa Hai To Koii Aayegaa; Main Apanii Raah Men Diivaar Ban Ke Baithaa Hoon; Agar Vo Aayaa To Kis Raaste Se Aayegaa; Tumhaare Saath Ye Mausam Farishton Jaisaa Hai; Tumhaare Baad Ye Mausam Bahut Sataayegaa

Aayi Hai Kuch Na Puch Aayi Hai Kuch Na Puch Qayamat Kahan Kahan; Uff Le Gayi Hum Ko Mohabbat Kahan Kahan; Betabi-o-Sakoon Kee Hui Manzilein Tamaam; Behlaayein Tujh Se Choot Ke Tabiyat Kahan Kahan; Raah-e-Talaab Mein Chor Diya Dil Ka Sath Bhi; Phirte Liye Hue Yeh Museebat Kahan Kahan; Begaangi Pe Uss Kee Zamaane Se Aitraaz; Dar Parda Uss Kee Shikayat Kahan Kahan; Hosh-o-Junoon Bhi Bas Ab To Ek Baat Hain Firaq ; Hoti Hai Uss Shararat Kee Nazar Kahan Kahan

Hasti Ka Aitbaar Kiye Hasti Ka Aitbaar Kiye Bagair Reh Na Jaye; Duniya Hai Yahan Par Jiye Bin Raha Na Jaye; Kat ti Nahin Yeh Zindagi Umeed Ke Bagair; Yeh Jaam Woh Hai Jis Ko Piye Bin Raha Na Jaye; Chahat Ka Zakhm Dil Ko Tamasha Na Bana De; Aisa Hai Chaak Jis Ko Siye Bin Rahaa Na Jaye; Duniya Ke Is Afshaar Mein Hai Us Ki Yaad Yoon; Aandhi Ho Tez Aur Diye Bin Raha Na Jaye; Ik Simt Tera Hukam Hai Ik Simt Kayenaat; Yeh Bojh Apne Sir Pe Liye Bin Raha Na Jaye

Lamha Bhar Apna Lamha Bhar Apna Hawaon Ko Banane Waale; Ab Na Aayein Ge Palat Kar Kabhi Jaane Waale; Kya Mile Ga Tujhe Bikhre Hue Khwaabon Ke Siwa; Ay Rait Pe Chaand Ki Tasveer Banaane Waale; Sab Ne Pehna Tha Bade Shaunq Se Kaghaz Ka Libaas; Jis Qadar Log Thay Baarish Mein Nahaane Waale; Mar Gaye Hum Toh Ye Qutbe Pe Likha Jaye Ga; So Gaye Aap Zamaane Ko Jagaane Waale; Dar-o-Deewaar Pe Hasrat Si Barasti Hai Qateel; Jaane Kis Desh Gaye Pyaar Nibhaane Waale

Dheeray Se Sarakti Hai Dheeray Se Sarakti Hai Raat Us Ke Aanchal Ki Tarah; Uska Chehra Nazar Aata Hai Jheel Mein Kanwal Ki Tarah; Baad Muddat Usko Dekha Toh Jism-o-Jaan Ko Yun Laga; Pyasi Zameen Pe Jaise Koi Baras Gaya Baadal Ki Tarah; Roz Kehta Hai Seene Pe Sar Rakh K Raat Bhar Jagaon Ga; Sar-e-Sham Hee Mujhe Aaj Phir Sula Gaya Wo Kal Ki Tarah; Mere Hee Dil Ka Makeen Nikla Woh Shakhs Wasi ; Aur Main Shehar Bhar Mein Dhoondta Raha Use Kisi Pagal Ki Tarah

Tere Khyaal Mein Tere Khyaal Mein Kuch Aise Gum Rahaa Barson; Main Apne Aap Se Bhi Mil Nahin Saka Barson; Kahin Woh Zaaiqa Tehleel Hi Na Ho Jae; Main Tum Se Mil Kar Kisi Se Nahi Mila Barson; Kaha Thaa Tum Ne Ke Tum Laut Ke Aaoge Eik Din; So Main Jahaan Thaa Wahin Par Kharha Raha Barson; Tere Baghair Meri Umar Raayegaan Guzri; Koi Bhi Kaam Nahin Theek Se Hua Barson; Tumhare Haath Ki Dastak Ki Aaas Mein Mohsin; Main Apne Ghar Se Kahin Bhi Nahin Gyaa Barson

Dil O Nigah Pe Dil O Nigah Pe Taari Rahe Fasoon Iska; Tumhara Ho Ke Bhi Mumkin Hai Mein Rahoon Uska; Tujhe Khabar Nahin Is Baat Ki Abhi Shayed; Ke Tera Ho To Geya Hoon Magar Mein Hoon Uska; Ab Is Se Qata-Taluq Mein Behtri Hai Meri; Main Apna Reh Nahin Sakta Agar Rahoon Uska; Zameen Ki Khaak To Kab Ki Urraa Chuke Hain Hum; Hamari Zadd Mein Hai Ab Chiraag Neelgon Uska; Dil-e-Tabaah Ki Dharkan Bata Rahi Hai Raza; Yahin Kahin Pe Hai Woh Sheher Pursakoon Uska

Duniya Ke Sitam Yaad Duniya Ke Sitam Yaad Na Apni Wafa Yaad; Ab Mujh Ko Nahi Kuch Bhi Mohabbat Ke Siwa Yaad; Main Shikwa Ba Lab Tha Mujhe Yeh Na Bhi Raha Yaad; Shayad Ke Mere Bhoolne Waalay Ne Kiya Yaad; Kya Jaaniye Kya Ho Geya Arbaab-e-Junoon Ko; Jeene Kee Adaa Yaad Na Marne Ki Adaa Yaad; Kya Lutf Ki Main Apna Pata Aap Bataaun; Kijiye Koi Bhooli Hui Khaas Apni Adaa Yaad; Muddat Hui Ek Hadsa-e-Ishq Ko Lekin; Ab Tak Hai Tere Dil Ke Dhadakne Kee Sadaa Yaad

Rahe Ga Ishq Tera Khaak Rahe Ga Ishq Tera Khaak Mein Mila Ke Mujhe; Ke Ibtidaa Mein Huye Ranj Intihaa Ke Mujhe; Diye Hain Hijar Mein Dukh Dard Kis Balaa Ke Mujhe; Shab-e-Firaaq Ne Maara Litaa Litaa Ke Mujhe; Baghair Maut Ke Kis Tarah Koi Marta Hai; Mera Raqeeb Bhi Roya Galey Laga Ke Mujhe; Har Ik Shakhss Ko Haasil Judaa Hai Kefiyat; Jafaa Ke Lutf Tujhe Hain Mazey Wafaa Ke; Ghazab Ki Aah Meri Daagh Naam Hai Mera; Tamaam Sheher Jalaao Ge Kya Jalaa Ke Mujhe

Mujhko Ruswa Mujhko Ruswa Sar-e-Mehfil To Na Karwaya Kare; Kash Aansu Meri Aankhon Mein Hi Reh Jaya Kare; Aye Hawa Maine To Bas Unka Pata Puchha Tha; Ab Kahani To Har Baat Ki Na Ban Jaya Kare; Bas Bahut Dekh Liye Khwab Suhane Din Ke; Ab Wo Baaton Ki Rifaqat Se Na Behlaya Kare; Ek Musibat To Nahi Tooti So Ab Is Dilse; Jis Kayamat Ne Guzarna Ho Guzar Jaya Kare; Jiske Khwabon Ko Main Aankhon Mein Saja Kar Rakhun; Iski Khushbu Kabhi Mujhko Bhi To Mehkaya Kare

Ai Kaash Tujhe Aisa Ai Kaash Tujhe Aisa Ik Zakhm-e-Judaai Dun; Jab Tees Koi Chamke Main Tujhko Dikhayi Dun; Jis Roz Kabhi Tera Deedaar Na Ho Paaye; Main Apni Hee Aankhon Ko Naabeena Dikhayi Dun; Magroor Hai Tu Kitna Sirf Ik Sanam Ban Kar; Tu Chahe To Main Tujhko Tan Man Kee Khudai Dun; Tujh Sa Koi Dil Wala Mehsoos Kare Mujhko; Main Geet Nahi Aisa Jo Sab Ko Sunayi Dun; Ik Umar Ke Baad Apne Chit Chor Ko Pakda Hai; Main Kaise Qateel Usko Baahon Se Rihayi Dun

Chedne Ka To Mazaa Tab Hai Chedne Ka To Mazaa Tab Hai Kaho Aur Suno; Baat Mein Tum To Khafaa Ho Gaye Lo Aur Suno; Tum Kahoge Jise Kuchh Kyun Na Kahega Tum Ko; Chhod Devegaa Bhalaa Dekh To Lo Aur Suno; Yahi Insaaf Hai Kuchh Socho To Apne Dil Mein; Tum To Sau Keh Lo Meri Ek Na Suno Aur Suno; Aafareen Tum Pe Yahi Chahiye Shabash Tumhein; Dekh Rota Mujhe Yun Hansne Lago Aur Suno; Baat Meri Nahin Sunte Jo Akele Mil Kar; Aise Hi Dhang Se Sunaun Ki Suno Aur Suno

Khoon Bar Kar Munasib Nahi Dil Bahe; Dil Nahi Maanta Kaun Dil Se Kahe; Teri Duniya Mein Aaye Bahut Din Rahe; Sukh Ye Paya Ki Hum Ne Bahut Dukh Sahe; Bulbulein Gul Ke Aansu Nahi Chatati; Un Ko Apni Hi Margoob Hain Chehchahe; Aalam-e-Nazaa Mein Sun Raha Hun Mein Kya; Ye Azizon Kee Cheekhe Hain Kya Kehkahe; Is Naye Husn Kee Bhi Adaon Pe Hum; Mar Mitenge Ba-Sharte Ke Zinda Rahe; Tum Hafeez Ab Ghisatne Kee Manzil Mein Ho; Daur-e-Ayyaam Pahiya Hai Gham Hain Rahe

Bedili Se Hansne Bedili Se Hansne Ko Khush-Dili Na Samjha Jaye; Gam Se Jalte Chehre Ko Roshni Na Samjha Jaye; Gaha Gaha Wahshat Mein Ghar Ki Simt Jata Hun; Isko Dasht-e-Hairat Se Wapsi Na Samjha Jaye; Lakh Khushguman Duniya Bahimi Talluq Ko; Dosti Kahein Lekin Dosti Na Samjha Jaye; Hum To Bas Ye Kehte Hain Roz Jine Marne Ko; Ap Chahein Kuch Samjhein Zindagi Na Samjha Jaye; Khak Karne Walon Ki Kya Ajeeb Khwahish Thi; Khak Hone Walon Ko Khak Hi Na Samjha Jaye

Tu Jo Aa Jaye To Tu Jo Aa Jaye To Iss Ghar Ko Sanwarta Dekhun; Ek Muddat Se Jo Veeran Hai Wo Basta Dekhun; Khawab Bankar Tu Behta Rahe Jannat Ke Jharne; Aur Bas Main Isi Mausam Ko Nikharta Dekhun; Jis Se Milna Nahi Usse Mohabbat Kaisi; Sochata Jaaun Magar Dil Mein Utarta Dekhun; Dil Geya Tha To Ye Aankhen Bhi Koi Le Jaata; Main Faqat Ek Hi Tasveer Kahan Tak Dekhun; Chand Lamhe Jo Tere Ishq Ke Mil Jaate Hain; Inn Hi Lamhon Ko Main Sadiyon Mein Badalta Dekhun