Kaise Rokun Jo Ashk Aankhon Se Dhal Jaate Hain; Dil Ke Kuch Dard Hain Aankhon Se Nikal Aate Hain

Yeh Ashq Aankhon Mein Qasid Kis Liye Ekdam Nahin Thamta; Dil-e-Betaab Kaa Shayad Liye Maktoob Jaata Hai

Uski Yaadon Kee Barish Jab Bhi Barasti Hai Mujh Par; Main Bheegta To Jarur Hun Lekin Palkon Kee Had Tak

Dekh Kaisi Qayamat Si Barpa Hui Hai Aashiyanon Pay Iqbal; Jo Lahoo Se Tameer Huye Thay Paani Se Bah Gaye

Jo Aag Lagayi Thi Tum Ne Us Ko To Bujhaya Ashkon Ne; Jo Ashkon Ne Bhadkayi Hai Us Aag Ko Thanda Kaun Kare

Qasam Hai Tujhko Zahid Kya Kare Gar Koi Aankhon Se Dekhe; Chhalakna Saagar-e-Mai Ka Chahekna Badah Khwaron Ka

Kitne Aansu Baha Diye Hain Iss Char Din Ki Mohabbat Mein; Kaash Sajde Mein Bahate To Aaj Gunahoan Se Paak Hote

itna mat muskurao ki
muskurahat aankho se bahe
tum kuch kehna chaho
aur laab kuch na kahe

Woh Begaano Mein Apne; Hum Apno Mein Anjaan Lagte Hain; Hamare Khoon Ki Bhi Keemat Nahi; Unke Ashkon Ke Bhi Daam Lagte Hain

Daag ansuon se dhoye hain Jab bhi tanha huye hain roye hain Dil mein kyon na uge yaad teri Dil mein tere hi khawab boye hain

Kya Hoon Main Aur Kya Samajhte Hein; Sab Raaz Nahi Hote Batane Wale; Kabhi Tanhaiyon Mein Aakar Dekhna; Kaise Rote Hai Sabko Hasane Wale

Us Ki Chahat Ka Bharam Kya Rakhna; Dasht-e-Hijraan Mein Qadam Kya Rakhna; Hanss Bhi Lena Kabhi Khud Par Mohsin; Har Ghadi Aankh Ko Namm Kya Rakhna

Teri Yaadon Ke Siva Kuch Bhi Nahi Hai; Khawab Har Raat Fir Sajana Padta Hai; Kahin Dekh Na Le Namm Ye Aankhein Koi; Aansuon Ko Aankhon Mein Chupana Padta Hai

Aur Zeyada Bharrkatey Ho Tum To Aag Mohabbat Ki; Sozish-e-Dil Ko Aye Ashko Kya Khaak Bhujana Seekhey Ho Translation: Sozish-E-Dil = Heartbreak Ashko = Tears

Yun Kisi Kee Yaad Mein Rona Fizool Hai; Itne Anmol Aansu Khona Fizool Hai; Rona To Unke Liye Jo Hum Par Nisaar Hain; Unke Liye Kya Rona Jinke Aashiq Hazaar Hain