Be-Karaan Tanhaayion Be-Karaan Tanhaayion Ka Silsila Reh Jaaye Ga; Tere Mere Darmiyaan Bas Ik Khalaa Reh Jaaye Ga; Aks Beh Jaayein Ge Saare Dhoop Ke Sailaab Mein; Aur Koi Paanion Mein Jhaankta Reh Jaaye Ga; Mujh Ko Mere Hamsafar Aisa Safar Darpaish Hai; Raasta Kat Bhi Gaya Toh Faasla Reh Jaaye Ga; Log So Jaayein Ge Khamoshi Ki Chaadar Odh Kar; Chaand Soonay Aanganon Mein Jaagta Reh Jaaye Ga; Jo Kabhi Os Ne Parheen Theen Mujh Se Nasir Maang Kar; Naam Mera Un Kitaabon Mein Likha Reh Jaaye Ga
Like (0) Dislike (0)
Your Comment